Felices festas

Despois do Nadal colgaremos as fotos das visitas dos  Reis Magos e do Apalpador, e as fotos das lecturas de Nadal que fixemos na biblioteca do cole. Estade atentos!

Día de Minnesota e visita do Apalpador

Hoxe celébrase no cole o Día de Minnesota. Esta festa, organizada polos profes de inglés, vense celebrando nos últimos anos para dar a coñecer o lugar de orixe dos distintos lectores de inglés que temos cada ano no centro. E como tamén xa é tradición, a ANPA doará uns hotdogs e pipocas de millo, que este ano repartirá o Apalpador. 

Visita dos Reis Magos

Hoxe recibimos a visita de súas maxestades os Reis Magos de Oriente, que viñeron ao cole para saúdar aos nenos e recoller os seus debuxos e cartas solidarias. En breve compartiremos fotos deste gran acontecemento. Estade atentos!

     

Novo establecemento colaborador

Temos un novo establecemento colaborador que ofrece descontos do 25% nas consultas aos socios da nosa ANPA. Trátase de Terapias Trisquel Pontevedra.

Podedes ver e descargar a listaxe completa actualizada no apartado "Faite socio / establecementos colaboradores" deste  blogue.

Tamén vos queremos lembrar que para que esta iniciativa teña éxito, contamos coa vosa colaboración, tanto se realizades algunha actividade comercial, e vos interesa ofrecer descontos ao colectivo de familias socias da ANPA, como se coñecedes establecementos interesados en adherirse. 

Festa de Nadal

Co obxectivo de recadar fondos para a viaxe de intercambio coa escola Cavour de Catania (Sicilia - Italia), os rapaces e rapazas de 6º van organizar unha festa de Nadal, xunto coa ANPA e as súas familias. A festa vaise celebrar no cole o día 16 de decembro de 17:00h a 20:00h.

Se realizas un donativo de 2€ terás chuches, ademais de rifas para un sorteo e diversión garantida.

Os nenos que acudan sós á festa non poderán abandoar a festa sen autorización por escrito e firmada polos seus pais ou titores.

Lembrámosvos tamén que o día 21 de decembro pola mañá o colexio celebrará o “Minnesota Day” onde se repartirán a todos os nenos e nenas “hotdogs” e pipocas doados pola ANPA. Se algún neno ou nena ten algún tipo de intolerancia ou alerxia alimentaria facédenolo saber a través dun correo electrónico a anpa.froebel@gmail.com ou deixando unha mensaxe na caixa de correo da ANPA, polo menos tres días antes.

Recollida de alimentos

Un ano máis a nosa comunidade escolar vai participar na campaña de recollida de alimentos organizada por CÁRITAS, co obxectivo de repartilos entre a xente máis necesitada.

A recollida farase os días martes 13 e mércores 14 de decembro, nas entradas ao colexio. Eses días, os nenos e nenas poden traer á escola ALIMENTOS NON PERECEDEIROS coma aceite, conservas, legumes, pasta ou azucre e tamén DOCES DE NADAL como turrón ou polvoróns. 

Moitas grazas pola vosa colaboración.

Voluntarios para o Nadal

A última semana de clases (días 19, 20 e 21 de decembro), o colexio e máis a ANPA imos realizar diversas actividades para os nenos e nenas para as que precisamos algo de colaboración dos pais e nais que estean interesados e poidan axudar. As actividades son as seguintes:

- O día 19 os nenos e nenas entregarán aos Reis Magos unha carta "solidaria" na que pedirán desexos para os demáis. A mellor carta de cada ciclo terá un premio, que se entregará despois do Nadal. Necesitamos traxes para os tres. Se tendes ou sabedes a quen pedirllos, poñédevos en contacto connosco.

- O día 20 faremos unha lectura de contos de Nadal. Se alguén ten interés en participar, que se poña en contacto. Nestas lecturas falarase da figura tradicional galega do Apalpador, que visitará o cole o día seguinte.

- O día 21 celebrarase o día de Minnesota. Para os que non o saiban esta é unha actividade organizada polos profes de inglés para dar a coñecer o lugar de orixe da lectora de inglés que está este ano no cole, e que xa se ven celebrando en anos anteriores. Ese día, como xa é tradición, a ANPA doará uns hotdogs e pipocas de millo, que repartirá o Apalpador. Se hai algún neno ou nena con algunha alerxia ou intolerancia a estes alimentos, facédenolo saber para telos en conta e ofrecerlles algunha alternativa.

O Apalpador levará un carriño e os Reis Magos precisan duns tronos, polo que pedimos, a quen poida, que veña ao local da ANPA (entrada pola porta gris do comedor) o mércores día 14 de decembro a partir das 18:30h, para axudar a facelos.

Esperamos contar coa vosa colaboración. Moitas grazas de antemán.

Eleccións ao Consello Escolar

A votación para elixir aos representantes de nais e pais no Consello Escolar será o martes día 29 de novembro dende as 9:00h ata as 10:30h, de 13:00h a 14:15h e das 16:30h ás 17:30h. Corresponde elixir a dous candidatos.

Teñen dereito a elixir e ser elixido tanto o pai como a nai ou, se é o caso, os titores legais. O voto será secreto, directo e non delegable. Cada elector deberá acreditar a súa personalidade mediante a presentación do DNI ou calquera outro documento acreditativo e fará constar na papeleta un nome da lista de candidatos.

Lista de candidatos:

ROMÁN DEL RÍO NOVOA

JORGE M. GOITIA PAISA

XANDRA REVENGA LÓPEZ

Eleccións ao Consello Escolar

Está aberto o prazo para a presentación de candidaturas para o Consello Escolar. Se estades interesados en presentarvos para poder participar na vida escolar e contribuír a un mellor funcionamento do centro, podedes facelo entre os días 4 e 11 de novembro na dirección do centro. 

Durante as mesmas datas (do 4 ata o 11 de novembro) tamén estarán expostos os Censos Electorais. É aconsellable que comprobedes se os vosos datos son correctos.

Fotos do concurso de modelar con plastilina

Os nosos nenos/as pasárono moi ben e traballaron moitísimo o pasado xoves día 3 para facer as súas creacións de plastilina. Podédelo comprobar neste ÁLBUM .

Asemblea - documentos

Lembrade que todos os socios e socias da ANPA Pardo Bazán do CEIP Froebel estades convocados a unha asemblea ordinaria que se celebrará o xoves día 3 de novembro de 2016, ás 18:45h en primeira convocatoria e ás 19:00h en segunda convocatoria, coa seguinte orde do día:

1. Lectura e aprobación da acta anterior.
2. Aprobación de contas do curso 2015-16.
3. Eleccións ao Consello Escolar.
4. Modificacíón dos estatutos da ANPA.
5. Información sobre a situación das obras.
6. Debate sobre o apoio á folga de deberes convocada por CEAPA.
7. Rogos e preguntas.

Podedes consultar a acta anterior, o estado de contas e os novos estatutos con antelación nos seguintes enlaces:
Acta anterior: https://drive.google.com/file/d/0B430YjyXNyVdcHNheEVuYXRoOE0/view?usp=sharing

Estado de contas: https://drive.google.com/file/d/0B430YjyXNyVdQUpvcldzRl9laWc/view?usp=sharing

Novos estatutos: https://drive.google.com/file/d/0B430YjyXNyVdYkljWS10LVdZc1U/view?usp=sharing

Lembrade tamén que haberá servizo de gardería de 19:00h a 20:30h para todos os que o precisedes.

CONCURSO DE MODELAR CON PLASTILINA

Inscribimos a nosa ANPA para participar no concurso de creatividade organizado por CEAPA e Play Doh, no que os nenos e nenas terán que facer unha creación orixinal e creativa con plastilina. A temática é libre.

No noso centro o concurso terá lugar o próximo xoves 3 de novembro, de 16:30 a 17:30.

A ANPA encargarase de sacarlles fotografías a todas a creacións e envialas a CEAPA para concursar.

Hai tres categorías e cada unha delas terá un premio consistente nun lote de xogos e xoguetes Hasbro adaptados a cada idade.

Categoría A: de 3 a 6 anos (educación Infantil).

Categoría B: de 6 a 9 anos.

Categoría C: de 9 a 12 anos.

O fallo do xurado farase público na web de CEAPA (www.ceapa.es) no mes de decembro de 2016.

Podedes consultar toda a información no TRÍPTICO DE CEAPA.

Convocatoria de asemblea ordinaria

Convocamos a todos os socios e socias da ANPA Pardo Bazán do CEIP Froebel a unha asemblea ordinaria que se celebrará o xoves día 3 de novembro de 2016, ás 18:45h en primeira convocatoria e ás 19:00h en segunda convocatoria, coa seguinte orde do día:

1. Lectura e aprobación da acta anterior.
2. Aprobación de contas do curso 2015-16.
3. Eleccións ao Consello Escolar.
4. Modificacíón dos estatutos da ANPA.
5. Información sobre a situación das obras.
6. Debate sobre o apoio á folga de deberes convocada por CEAPA.
7. Rogos e preguntas.

Haberá servizo de gardería de 19:00h a 20:30h para todos os que o precisedes.

Folgas de CEAPA

O vindeiro día 26 de outubro hai unha convocatoria de folga no ensino, se queredes máis información deixámosvos un par de enlaces: http://www.nontedurmas.org/blog/o-26-de-outubro-os-estudantes-convocan-unha-xornada-de-loita-contra-as-revalidas/

http://www.nontedurmas.org/fanpa/circular-informativa-de-confapa-galicia-sobre-a-folga-educativa-e-baleirado-de-aulas-do-26-de-outubro/

Por outra banda CEAPA convoca a todos os pais e nais a unha folga de deberes durante as fins de semana de novembro. Este tema debatirase na asemblea da ANPA que celebraremos o día 3 de novembro para ver se tomamos unha postura común. 
O vindeiro venres 28 de outubro o presidente de CEAPA ofrece unha charla-coloquio en Pontevedra sobre os deberes e o modelo escolar. Será no hotel Galicia Palace ás 19.00h. Para máis información e inscricións: http://www.nontedurmas.org/fanpa/o-presidente-de-ceapa-ofrece-unha-charla-coloquio-en-pontevedra-sobre-deberes-e-o-modelo-educativo/

Deixámosvos tamén algún outro enlace sobre o tema:

http://www.20minutos.es/noticia/2844443/0/ceapa-huelga-deberes-noviembre/

http://www.europapress.es/sociedad/educacion-00468/noticia-ceapa-aconseja-huelga-deberes-pedir-director-docente-no-mande-20161017172854.html

Calendario definitivo de actividades extraescolares

Informámosvos de que finalmente se fixo grupo para a actividade extraescolar de patinaxe. Se alguén está interesado en inscribirse pode enviarnos un e-mail cos datos do neno ou nena. O horario é os martes de 17:30h a 18:30h.

Lembrámosvos que tamén hai prazas dispoñibles nas demais actividades extraescolares, por se alguén quere apuntarse. O calendario queda como podedes ver a continuación:

ACTIVIDADES PARA EDUCACIÓN INFANTIL

HORA/DÍA	LUNS	MARTES	MÉRCORES	XOVES
16:30-17:30h	JUMPING CLAY		MULTIDEPORTE
17:30-18:30h	EXPRESIÓN MUSICAL (Psicomotricidade)	ROBÓTICA (5º e 6º E.I.)

ACTIVIDADES PARA EDUCACIÓN PRIMARIA

HORA/DÍA	LUNS	MARTES	MÉRCORES	XOVES
16:30-17:30h	TÉCNICAS DE ESTUDO / JUMPING CLAY	ROBÓTICA / PATINAXE	BALONMÁN
17:30-18:30h	BALONCESTO

Día Internacional do Maior

Con motivo do Día Internacional do Maior, os nenos/as de 1º de Primaria do noso cole falan dos seus avós e avoas no Diario de Pontevedra do pasado domingo día 2 de outubro.

Actualización sobre as actividades

Confirmamos as actividades extraescolares que finalmente saen, ao acadar un número suficiente de nenos e nenas para facelas. Son as seguintes:

Luns 16:30h - Jumping Clay para infantil e primaria

Luns 16:30h - Técnicas de estudo para primaria (esta actividade realizarase na academia Cegafor, non no cole)

Luns 17:30h - Expresión musical (psicomotricidade) para educación infantil

Luns 17:30h - Baloncesto para primaria

Martes 16:30h - Robótica para primaria (nenos e nenas de 3º a 6º)

Martes 17:30h - Robótica para 6º de infantil e 1º de primaria

Mércores 16:30h - Multideporte para infantil

Mércores 17:30h - Balonmán

As actividades que NON acadaron un número suficiente de nenos e nenas anotados, e que por tanto quedan canceladas, son inglés (tanto para infantil como para primaria), patinaxe, educación emocional, cociña, música, fútbol, baile e canto tradicional e plástica.

Para as actividades que se poñen en marcha hai todavía prazas dispoñibles. Se alguén quere anotarse en algunha actividade que envíe cuberta, canto antes, a ficha que atoparedes AQUÍ.

As actividades comezan o luns día 3 de outubro e haberá actividade sempre que sexa día lectivo. A entrada faise pola porta principal do cole (porta branca). O primeiro día de cada actividade a persoa encargada da mesma fará unha pequena presentación de 5 minutos para os pais e nais. 

Prégase puntualidade tanto na entrada como na recollida dos nenos e nenas, xa que os encargados de abrir a porta son os propios monitores ou profesores, polo que se alguén chega tarde non poderá entrar.

Para calquera duda ou aclaración non dubidedes en poñervos en contacto connosco a través do noso email anpa.froebel@gmail.com

Presentación do novo curso e actividades extraescolares

A asociación de nais e pais de alumnos Pardo Bazán do CEIP Froebel davos a benvida ao novo curso escolar. Entre os nosos obxectivos están os seguintes:

• Ser unha canle de comunicación entre a escola e as familias, resolvendo dúbidas, dando información do que acontece na escola, etc.
• Organizar e financiar as actividades extraescolares que se desenvolven no centro.
• A través da FANPA (Federación de asociacións de nais e pais de alumnos) organizar o servizo de comedor, controlar a calidade e atender todas as dúbidas dos usuarios.
• Colaborar na realización e financiar as actividades organizadas polo colexio.
• Organizar as festas de Nadal, Entroido e fin de curso.
• Establecer contacto coas institucións para esixir o mantemento en bo estado do centro e a finalización das obras do patio e das aulas en mal estado.
• Axudar aos alumnos e alumnas de 6º de primaria na recadación de fondos para a realización da viaxe de intercambio coa escola Cavour de Italia.

Animamos a todas as familias a facerse socias, cantos máis sexamos máis cousas conseguiremos. Se estades interesados en pertencer a ANPA cubride o FORMULARIO adxunto e facédenolo chegar. Entre o luns día 19 de setembro e o martes 27 de setembro estaremos no local da ANPA en horario de 9:05h a 9:45h. Despois desas datas estaremos no local todos os xoves lectivos, entre 9:00h e 9:30. 

Presentamos tamén o calendario de actividades extraescolares para o vindeiro curso 2016-17. As actividades comezarán o día 3 de outubro e desenvolveranse nos días lectivos ata finais do mes de maio de 2017. Se estades interesados en que asistan os vosos fillos ou fillas cubride a FICHA ADXUNTA e presentádea no local da ANPA (entrada pola porta gris do comedor, rúa Alfonso XIII) dende o luns día 19 de setembro ata o martes 27 de setembro, en horario de 9:05h a 9:45h ou ben depositando a ficha na caixa de correo da ANPA situada fronte á porta da entrada de infantil.

ACTIVIDADES PARA EDUCACIÓN INFANTIL

HORA/DÍA	LUNS	MARTES	MÉRCORES	XOVES
16:30-17:30h	JUMPING CLAY	INGLÉS	MULTIDEPORTE	INGLÉS
17:30-18:30h	EXPRESIÓN MUSICAL (Psicomotricidade)	ROBÓTICA (5º e 6º E.I.)		MÚSICA

ACTIVIDADES PARA EDUCACIÓN PRIMARIA

HORA/DÍA	LUNS	MARTES	MÉRCORES	XOVES
16:30-17:30h	TÉCNICAS DE ESTUDO / JUMPING CLAY	ROBÓTICA	EDUCACIÓN EMOCIONAL (2h)/ COCIÑA (1,5h)	FÚTBOL / BAILE E CANTO TRADICIONAL
17:30-18:30h	BALONCESTO	INGLÉS (1º e 2º E.P.)     / PATINAXE	BALONMÁN	INGLÉS (1º e 2º E.P.)  / PLÁSTICA

PREZOS:

Actividades de Multideporte, Patinaxe, Fútbol e Música, impartidas por Gaia: 13 € /mes

Actividade de Inglés, impartida por Lurdes Martíns (dúas horas á semana): 23 € / mes

Actividade de Expresión musical, Baile e canto tradicional e plástica, impartidas por Andrea Menéndez: 10 € / mes

Actividade de Robótica, impartida por Rockbotic: 20 € / mes

Actividade de Técnicas de estudo, impartida por Cegafor: 18 € / mes

Actividade de Jumping Clay: 16 € / mes

Actividade de Baloncesto, impartida polo Club Estudiantes Baloncesto: 8 € / mes

Actividade de Cociña, impartida por Gaia (1,5 horas): 15 € / mes

Actividade de Educación Emocional, impartida por Toño Escudero (2 horas): 18 € / mes

Actividade de Balonmán, impartida polo Club Balonmán Teucro: gratuita

Tedes máis información sobre as actividades na sección de actividades deste blog.

Todas as actividades teñen xa aplicado un desconto no seu prezo de 2€. Os non socios deberán pagar 3€ máis por cada actividade.

Na piscina de Campolongo impartiranse clases de natación dende o 3 de outubro ata o 31 de maio en días lectivos. O prezo da actividade é de 33,60€ por cuadrimestre (1º pagamento agora e 2º pagamento en febreiro). A actividade é para nenos e nenas a partir de 5º de infantil (4 anos).

Día da actividade: A elixir, ou luns, ou martes, ou mércores, ou xoves, ou venres

Horario: A elixir de 16.30 a 17.15h ou de 17.15h a 18.00h (clases de 45 minutos)

Data límite para inscribirse e realizar o pagamento: Martes 27 de setembro.

O pagamento e a inscrición realizaranse no local da ANPA dende o luns día 19 de setembro ata o martes día 27 de setembro de 09:05 a 09:45 horas.

Só se poderán inscribir nesta actividade os nenos e nenas socios da ANPA

Actividades varias

Dende onte día 5 de setembro está aberto o prazo de inscrición en Deporte Escolas, programa gratuito da Deputación de Pontevedra destinado a nenos/as de 5 a 15 anos. Hai varias modalidades deportivas e podedes atopar máis información, así coma a ficha de inscrición na seguinte ligazón: http://www.depo.es/deporte-escolas

A FANPA tamén ofrece varias actividades, coma chinés mandarín, ábaco e creación tecnolóxica entre outras. A información sobre todas as actividades está recollida na seguinte web: http://www.nontedurmas.org/actividades/actividades-de-setembro-con-inscricion-aberta/

Por último, querémosvos lembrar os horarios de entrada no cole para o próximo luns día 12 de setembro:

          4º, 5º e 6º de Primaria: ás 9:30 horas.
          1º, 2º e 3º de primaria: ás 10:30 horas
          4 e 5 anos infantil: ás 12:00 horas
O novo alumnado de 3 anos terá que acudir de xeito progresivo ao periodo de adaptación.

COMEDOR E MADRUGA

Xa se pode efectuar a solicitude de alta para o curso 2016-17 dos servizos complementarios de comedor e madruga. Podedes atopar toda a información así coma a ficha de inscrición na web da FANPA:

http://www.nontedurmas.org/fanp a/programas/comedores-e-madruga-de-pontevedra/solicitude-de-praza-no-comedor-escolar-e-servizo-madruga-curso-2016-2017-2/

Axudas de emerxencia para material escolar de infantil

A Concellaría de Benestar Social Municipal abriu este mes de xullo as axudas de emerxencia social para equipamento escolar do curso 2016/17 para os escolares que cursan Educación Infantil. Podedes consultar toda a información aquí: 

http://www.pontevedra.gal/2016/07/11/aberto-o-prazo-para-solicitar-axudas-de-emerxencia-para-material-escolar-de-infa
ntil-ate-novembro/

Fondo de libros e axudas para material escolar e libros de texto

Datas a ter en conta:

- Publicación das LISTAXES PROVISIONAIS........................... 1 de xullo de 2016

- RECLAMACIÓN sobre as listaxes provisionais .......................... os 2 días seguintes á                                                                                                                                  publicación das listaxes.

-  Publicación das LISTAXES DEFINITIVAS ............................... 6 de xullo de 2016

- ENTREGA DE VALES ............................................................ 8 e 12 de xullo de 2016

- ENTREGA DE LIBROS aos alumnos de 3º e 4º ......................... 13 de xullo de 2016

Actividades extraescolares

Xa está actualizada a páxina de Actividades Extraescolares coa información sobre as actividades que se van ofrecer para o próximo curso 2016-17. Tendes horarios, prezos e máis información adicional proporcionada por algunha das empresas o día da reunión informativa. Podedes consultar todo isto en http://anpafroebel.blogspot.com.es/p/blog-page.html

FESTA FIN DE CURSO

O próximo mércores 22 de xuño estades todos convidados á festa de fin de curso que organiza a ANPA. Esta festa celebrarase no cole en horario de 17:00h a 20:00h.

Teremos obradoiros de maquillaxe e globoflexia e monitoras de animación musical. Ademáis, como novidade este ano haberá uns xogos populares de madeira, cedidos para a ocasión por Cándido Mascato, da Concellería de Xuventude do Concello de O Grove.

E como sorpresa, daremos xeados de balde a todos os nenos e nenas asistentes. Este ano participamos nunha promoción de Frigo e conseguimos xeados Max Duo, de chocolate e vainilla (sen glute).

A festa é para todos os nenos e nenas do cole (socios ou non socios da ANPA), aínda que ás familias non socias pedirémosvos un donativo (se podedes), xa que o custo da fe desta o asumen as familias socias.

Os nenos que acudan sós á festa non poderán abandonala sen autorización por escrito e asinada polos seus pais ou titores.

Actividades extraescolares curso 2016-17

Presentamos o calendario de actividades extraescolares para o vindeiro curso 2016-17. O mércores 15 de xuño, ás 19:00h, faremos unha reunión informativa sobre o contido das actividades, á que asistirán as empresas que as van impartir, para expoñer o seu programa. Agradecemos que asistades, na medida do posible, para ter un mellor coñecemento de en que consiste cada actividade.

ACTIVIDADES PARA EDUCACIÓN INFANTIL

HORA/DÍA	LUNS	MARTES	MÉRCORES	XOVES
16:30-17:30h	JUMPING CLAY	INGLÉS	MULTIDEPORTE	INGLÉS
17:30-18:30h	EXPRESIÓN MUSICAL (Psicomotricidade)	ROBÓTICA (5º e 6º E.I.)		MÚSICA

ACTIVIDADES PARA EDUCACIÓN PRIMARIA

HORA/DÍA	LUNS	MARTES	MÉRCORES	XOVES
16:30-17:30h	TÉCNICAS DE ESTUDO / JUMPING CLAY	ROBÓTICA	EDUCACIÓN EMOCIONAL (2h)/ COCIÑA (1,5h) BALONMÁN (de 17:30 a 18:30)	FÚTBOL / BAILE E CANTO TRADICIONAL
17:30-18:30h	BALONCESTO	INGLÉS / PATINAXE		INGLÉS / PLÁSTICA

PREZOS:

Actividades de Multideporte, Patinaxe, Fútbol e Música, impartidas por Gaia: 13 € /mes

Actividade de Inglés, impartida por Lurdes Martins (dúas horas á semana): 23 € / mes

Actividade de Expresión musical, Baile e canto tradicional e plástica, impartidas por Andrea Menéndez: 10 € / mes

Actividade de Robótica, impartida por Rockbotic: 20 € / mes

Actividade de Técnicas de estudo, impartida por Cegafor: 18 € / mes

Actividade de Jumping Clay: 16 € / mes

Actividade de Baloncesto, impartida polo Club Estudiantes Baloncesto: 8 € / mes

Actividade de Cociña, impartida por Gaia (hora e media de duración): 15 € / mes

Actividade de Educación Emocional, impartida por Toño Escudero (dúas horas de duración): 18 € / mes

Actividade de Balonmán, impartida polo Club Balonmán Teucro: gratuita

Todas as actividades son para socios/as da ANPA, quen as organiza e as subvenciona, tendo xa aplicado un desconto no seu prezo de 2 €.
Os non socios tamén poden asistir, pero non se beneficiarán da subvención, polo que terán que engadir 3€ máis aos prezos arriba indicados.

As inscricións faranse a partir de setembro.

Ludoverán 2016

Xa está aberto o prazo de inscrición para o programa de ludotecas de verán xestionado pola FANPA. Podedes atopar toda a información na páxina web da FANPA: 

http://www.nontedurmas.org/blog/ludoveran-2016/

Ludoteca de verán no CEIP Froebel

Como todos os anos, a empresa Gaia ofrece a súa ludoteca de verán no noso colexio.

Esta ludoteca vai dirixida a nenos/as de 3 a 12 anos e terá lugar durante os meses de xullo e agosto de 2016 en horario de luns a venres de 9:00h a 14:00h, en quendas quincenais, sen límite. Existe tamén a posibilidade de servizo de comedor.

Prezos: Socios da ANPA: 50€ quenda/ Irmán 45€.

Non socios: 75€ quenda/ Irmán70€ .

As inscricións poderán realizarse até o 20 de xuño entregando a FICHA DE INSCRICIÓN cuberta xunto co xustificante de pagamento, na caixa de correo da ANPA (na entrada de infantil) ou por correo electrónico a anpa.froebel@gmail.com. Tamén se pode entregar en persoa os xoves, no local da ANPA, entre as 9.00h e as 9.30h.

Documentación

Ademáis da ficha de inscrición e do xustificante de pagamento, é preciso achegar:

• Fotocopia do DNI do/a neno/a ou libro de familia.
• Fotocopia da tarxeta sanitaria.

O ingreso realizarase no nº de conta da ANPA: Ibercaja Banco S.A., R/Riestra nº21

        IBAN ES13 2085 8377 1503 3011 0740 

Fondo solidario de libros e axudas para material escolar

ORDE do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

DOG núm. 92, do 16 de maio de 2016

Sempre e cando reúnan os requisitos establecidos nesta orde, poden solicitar axudas para adquirir libros de texto os alumnos matriculados en 1º e 2º de Primaria e poden participar no fondo solidario de libros de texto os alumnos de 3º e 4º de Primaria. Os alumnos de 5º e 6º de Primaria do noso centro están incluídos no proxecto EDIXGAL, polo que non precisan participar do fondo solidario.

As axudas para adquirir material escolar van dirixidas a todo o alumnado de Primaria que reúna os requisitos.

Saída en familia á illa de Ons

A FANPA organiza unha saída en familia á illa de Ons, con representación teatral. Esta actividade está aberta a todos os membros das ANPA da provincia e terá lugar o vindeiro 18 de xuño.

Podedes consultar o programa, prezos, datas de inscrición e demáis información no seguinte enlace: http://www.nontedurmas.org/actividades/saida-en-familia-a-illa-de-ons-con-representacion-teatral/

Novos teléfonos no centro

Os números de teléfono do centro cambiaron. Os novos son os seguintes:

CONSERXERÍA: 886159531

DIRECCIÓN: 886159532

SECRETARÍA: 886159537

FAX: 886159535

Máis sobre as avaliacións de 3º e 6º de primaria

A FANPA fainos chegar a información sobre a reunión que tivo lugar o pasado xoves 5 de maio. Podedes ver o vídeo da reunión na seguinte ligazón: https://www.youtube.com/watch?v=tjbB5PjNlhI

Ou ler o comunicado a continuación: http://www.nontedurmas.org/fanpa/comunicado-da-fanpa-sobre-as-avaliacions-de-primaria/

Ao remate do documento están os modelos de documentos:
- de protesta, no caso de presentarse ao exame .
- de xustificación de ausencia (CONFAPA Galicia), no caso de non presentarse.

XXII Cross escolar

O CEIP Vilaverde-Mourente celebrará o vindeiro sábado día 07 de maio, a partir das 10:30 da mañá o XXII CROSS ESCOLAR.

A proba está aberta á participación de todos os alumnos e alumnas de educación infantil e primaria dos centros escolares públicos do Concello de Pontevedra. A inscrición podédela facer enviándonos un correo a anpa.froebel@gmail.com.

Haberá probas para os nenos e nenas de Educación Infantil (3,4 e 5 anos) e para as categorías pre-benxamín (1º e 2º de primaria), benxamín (3º e 4º de primaria) e alevín ( 5º e 6º de primaria). A todos os nenos entregaráselles auga e un bocadillo, e haberá reparto de premios para todos os participantes.

Tamén hai unha proba para os ex-alumnos que agora están nos primeiros cursos da ESO (1º e 2º da ESO, categoría infantil) e para os pais e nais dos alumnos.
Preténdese que máis que unha competición, sexa unha xornada festiva para os rapaces e as súas familias, e fomentar as relacións entre os integrantes dos distintos centros do Concello de Pontevedra.

O cross recorrerá as rúas adxacentes ao centro escolar: rúas Ángel Limeses, San Amaro, Valdecorvos e Vilaverde. Os participantes de todas as categorías concentraranse no centro escolar, e serán acompañados á zona de saída correspondente por persoal da organización.

Nas rúas polas que discorrerá a proba estará prohibido o estacionamento. As rúas Valdecorvos e Vilaverde, estarán cortadas ao tráfico durante toda a duración da proba. A rúa Ángel Limeses e San Amaro, estarán cortadas durante as probas de alevín.
Para as persoas que se acerquen con vehículo, recoméndase o estacionamento na Avenida de Lugo e na zona da urbanización de Valdecorvos, xa que o acceso ao centro estará pechado para vehículos dende antes do comezo das probas.
Para o desenrolo das probas contaremos coa colaboración da policía local e protección civil do Concello de Pontevedra e da Asemblea Comarcal da Cruz Vermella en Pontevedra, as que agradecemos por adiantado a súa colaboración.

As distancias a percorrer, orde das carreiras e horarios aproximados serán os seguintes:

Categoría		Distancia	Hora
Pre Benxamín Nenos	1º, 2º Primaria	250m	10:30
Pre Benxamín Nenas	1º, 2º Primaria	250m	10:40
Ed. Infantil 3 anos		150m	10:50
Ed. Infantil 4 anos		150m	11:00
Ed. Infantil 5 anos		150m	11:10
Benxamín Nenos	3º, 4º Primaria	700m	11:20
Benxamín Nenas	3º, 4º Primaria	700m	11:30
Alevín Nenos	5º, 6º Primaria	1500m	11:45
Alevín Nenas	5º, 6º Primaria	1200m	12:00
Infantil	1º, 2º ESO	700m	12:10
Pais e avós		250m	12:30
Nais e avoas		250m	12:40

Os Maios

O noso colexio conseguiu o premio á mellor interpretación no certame de Maios celebrado o domingo 1 de maio na praza da Ferrería!

Podedes coñecer todos os gañadores e máis detalles en pontevedraviva.com

Tamén tendes FOTOS, tanto da preparación do maio e a coroa como da actuación e o VÍDEO da actuación.

Reunión informativa sobre reválidas

O vindeiro xoves día 5 de maio de 2016, ás 20.00h, a FANPA convoca unha reunión informativa co fin de despexar dúbidas sobre o proceso das reválidas de Primaria que como sabedes terán lugar en breve. A reunión terá lugar no auditorio do IES Sánchez Cantón de Pontevedra.

A esta reunión aberta poden acudir tanto representantes das ANPA coma nais e pais que estean interesados. A FANPA pide que comuniquedes a vosa intención de concorrer a esta reunión co fin de prever o aforo necesario. Podédeslle enviar unha nota de intención de asistencia a info@nontedurmas.org ou confirmar asistencia no  Facebook.

Xunto con esta reunión, a FANPA está a elaborar unha declaración que resuma o máis claramente posible todas as cuestións e preguntas que están sobre a mesa.

Toda a información a tedes/teredes dispoñible no web da FANPA (http://www.nontedurmas.org/fanpa/fanpa-convoca-unha-reunion-informativa-sobre-as-revalidas/)

Lecturas de pais e nais

Lembrámosvos que segue en marcha a experiencia das lecturas no colexio, que comezamos hai seis anos. As lecturas no colexio consisten que nós, os pais e nais, vaiamos ler ás clases dos nosos fillos e fillas. Facémolo un venres, unha vez ao mes, durante o tempo de lectura que eles teñen cada día (de 12:10h a 12:35h). Os textos, o estilo literario e o idioma escollémolos nós, así como o curso ao que queremos ir ler. Incluso podemos ir ler cun neno ou nena de primaria ás clases de infantil.

Os que xa participamos máis veces nesta experiencia querémosvos animar a participar: aos nenos e nenas encántalles que as nais e pais vaiamos ao cole e para nós é unha experiencia moi divertida, ademais de enriquecedora para todos.

A iniciativa está enmarcada dentro do proxecto da Biblioteca e está incluída no Plan Xeral Anual do centro. As lecturas comezaron no mes de xaneiro, pero aínda estades a tempo de participar. O próximo día de lectura será o venres 29 de abril.

Para anotarvos, enviade un correo electrónico a anpa.froebel@gmail.com indicando o voso nome, e-mail e teléfono (Asunto: Lectura).

Se tedes algunha dúbida ou queredes informarvos máis en profundidade sobre esta actividade podedes falar con María Curra.