Benvidas, familias!

Un ano máis, dende a Anpa Pardo Bazán do CEIP Froebel, queremos darvos a benvida a este novo curso escolar, especialmente a todas aquelas familias que vos incorporades ao noso centro por primeira vez; aquí estamos para axudarvos en todo o que poidamos.

Remitimos a información necesaria para que vos fagades socios da ANPA, porque cantos máis somos, máis cousas podemos conseguir. E por suposto, se alguén está interesado en traballar de forma activa coa ANPA, non dubidedes en poñervos en contacto con nos.

Facemos moitas cousas; vos deixamos un breve resumo:

● Colaboramos co equipo educativo.

● Xestionamos as actividades extraescolares.

● Controlamos que o Plan Madruga e o comedor funcionen axeitadamene.

● Atendemos a consultas, queixas ou suxerencias das familias a través do mail:

anpa.froebel@gmail.com

● Proporcionamos información as familias a través do noso blog, redes sociais e taboeiro.

● Xestionamos as axendas escolares.

● Organizamos charlas e obradoiros tanto para os rapaces como para as familias.

Para facervos socios podedes cubrir o formulario de inscripción de forma online ou en papel:

ONLINE: Entra no blog da ANPA https://anpafroebel.blogspot.com/, no apartado “Faite socio” encontrarás o enlace do formulario, no que poderás tamén adxuntar o xustificante de pago.

PAPEL: Podes cubrir o formulario de inscrición que enviamos e xunto co xustificante de pago da transferencia bancaria, deixalo na caixa de correo da ANPA (fronte a porta de infantil) ou remitirlo por correo electrónico a anpa.froebel@gmail.com.

Lembramos que, tal como foi acordado na anterior asamblea da ANPA, a cota anual por familia pasa a ser de 25€.

Estaremos no local da ANPA do luns 14 o venres 18 de setembro en horario de 09:00h a 09:30h da mañá, e o martes 15 e o xoves 17 de 17:30h a 18.00h. Se precisas pasar en outro horario, contacta con nós.

As axendas de Primaria seguirán sendo gratuítas para os socios da ANPA, e para os non socios terán un custo de 5€. Ademais, os socios de infantil non teñen que traer o paquete de folios de material que lle solicite o centro, xa que a ANPA xa o entrega nas aulas.

Extraescolares 2026-27

 

O prezo para os NON SOCIOS DO ANPA verase incrementado en 5€ en todas as actividades.

Para calquera dúbida ou suxerencia anpa.froebel@gmail.com.

Podedes descargar aquí a ficha de inscrición. Unha vez cuberta, podédela enviar por correo electrónico a anpa.froebel@gmail.com ou ben entregala na caixa de correo da ANPA, que está situada diante da porta de infantil. Agradecemos que a entreguedes canto antes para poder organizar mellor os grupos.

Portada Gañadora Concurso Axenda

Esta será a portada da axenda 2026-27:

Deseñado por : Clara Ricoy.

Propostas para a portada da nosa axenda 2026-27 2026-27

Estas son as propostas do noso alumnado para a portada da axenda do curso 2026-27.

Cal será a gañadora?

1. 

 

2.

 

3. 

 

 4.

  

5. 

 

6.

. 

7. 

  

8.

 

9.

  10.

 

11. 

 

12.

 

13. 

¿Cuál es vuestra favorita??   Os dejamos votar pero no se tendrá en cuenta para la elección.

VOTA AQUÍ

☀️Festa Fin de curso ☀️

 ☀️Chegou o momento de festexar todo o compartido, traballado e aprendido durante este curso! Toca disfrutar!!🍦

¡¡Imos coa derradeira Festa!!!

🎨 Participa no Concurso da Axenda Escolar 2026-27!

Dende a ANPA queremos animar a todos os nenos e nenas de Primaria a participar no novo Concurso da Axenda Escolar 2026-27. 🖍️📚

É unha oportunidade fantástica para deixar voar a imaxinación e converter o seu debuxo na portada da axenda do próximo curso.

✨ Queremos ver toda a vosa creatividade, ideas e ilusión!

Poden participar todos os cursos de Primaria e haberá agasallos para os mellores traballos.

Animádevos a participar e… moita sorte artistas! 🎨💫

BASES:

Dirixido a todos os cursos de Primaria

Temática: IGUALDADE E LOITA FRONTE A VIOLENCIA DE XÉNERO.

Tamaño do debuxo A4 Vertical.

Deberá incluir as palabras “Axenda 2026-2027 “ , “Polo camino da igualdade” e "CEIP Froebel"

Prazos de presentación: do 1 o 14 de xuño ao mail do anpa co nome e curso do neno.

O xurado esta vez seran a Asociación Boa Vida y Arela.

Haberá agasallos para os mellores debuxos que se entregaran no festival do cole o día 19
de xuño.

Asemblea Xeral Extraordinaria

Convocamos unha asemblea xeral extraordinaria para o próximo mércores 10 de xuño, ás 18:00 h (primeira convocatoria) e ás 18:15 h (segunda convocatoria), no colexio, coa seguinte orde do día:

1. Actualización das obras de acondicionamento para illar acústicamente o comedor.
2. Votación para a renovación da Xunta Directiva.
3. Outros asuntos.

Habrá servizo de gardaría de 18:00 a 20:00 para quen o precise.

As candidaturas para a elección da nova Xunta Directiva deberán enviarse a este correo electrónico (anpa.froebel@gmail.com) antes do 10 de xuño (pola mañá).

Envíamovos os estatutos da asociación por se desexades revisalos. Aquí tedes as instrucións establecidas para a elección da nova XD:

As normas para a elección da Xunta Directiva están reguladas específicamente no Artigo 13º (apartados 3 e 4).

Requisitos xerais e presentación de candidaturas

• Candidaturas pechadas: A elección da Xunta Directiva farase pola Asemblea Xeral entre as candidaturas pechadas que cumpran os requisitos esixibles en tempo e forma.

• Prazo de presentación: As candidaturas á Xunta Directiva presentaranse por escrito dirixido ao Secretario da Asociación dende a data da convocatoria da Asemblea Extraordinaria e ata o día e hora das votacións.

• Duración do cargo: Os seus cargos terán unha duración de tres anos, e poderán ser reelixidos. Os cargos serán desempeñados de forma gratuíta e os elixidos deberán carecer de interese económico na actividade da asociación.

Procedemento de elección (Artigo 13º.3)

O proceso de votación e escrutinio desenvólvese a través dos seguintes pasos establecidos nos estatutos:

a) presentación de candidaturas ata o momento da Asemblea na que se farán as votacións para a elección.

b) cada candidatura disporá dun máximo de 10 minutos para a súa presentación aos asociados, decidindo a orde de intervencións nun sorteo previo.

c) as votacións faranse polo procedemento de voto secreto en urna.

d) cada socio con dereito a voto, previa presentación da súa identificación, depositará o seu voto na urna elixindo unha das candidaturas.

e) o Secretario, en presencia dos candidatos e todos os socios que o desexen, fará o reconto de votos unha vez finalizada a votación. No caso de empate a votos, procederase a unha segunda rolda de votacións para decidir só entre as candidaturas empatadas con maior número de votos.

f) proclamarase vencedora a lista máis votada; e, por conseguinte, quedarán investidos todos os seus membros como nova Xunta Directiva.

Casos especiais (ausencia de candidaturas ou vacantes)

• Falta de candidaturas: De non terse presentado ningunha candidatura ata o momento do comezo da sesión de votacións, a Asemblea Xeral poderá nomear un Presidente que quedará facultado para elixir o resto de cargos entre os socios.

• Cobertura de vacantes interinas: As vacantes que se puideran producir durante o mandato serán cubertas provisionalmente por un dos vocais ata a celebración da seguinte Asemblea Xeral, onde se poderá incluír un novo membro (sempre que sexa ratificado pola Asemblea) polo tempo que reste de mandato.

Composición mínima: En calquera caso, a Xunta Directiva debe estar integrada como mínimo por 3 persoas, que exercerán as funcións de Presidente, Secretario e Tesoureiro.