Fotos da visita do Apalpador

Como xa saberedes, o Apalpador estivo no colexio onte venres 18 de decembro, visitando todas as clases. Pasárono moi ben, como podedes ver nestas FOTOS.

Bo Nadal

Hoxe o colexio recibiu a visita do Apalpador. Estade atentos a esta páxina para ver fotos do seu percorrido polas distintas clases.

                        

Recollida de alimentos

A comunidade escolar do CEIP Froebel vai participar, un ano máis, na campaña de recollida de alimentos organizada por Cáritas, co obxectivo de repartilos entre a xente máis necesitada.

A recollida farase os días mércores 16 e xoves 17 de decembro. Eses días os nenos e nenas poden levar á escola alimentos non parecedoiros (aceite, conservas, legumes, pasta, azucre...) e tamén doces de Nadal coma turrón, polvoróns, etc., que se recollerán nas entradas ao colexio.

Moitas grazas pola vosa colaboración.

Cancelación da festa de Nadal

Lamentamos comunicarvos que a festa de Nadal, que ían organizar os alumnos de 6º, tivo que ser cancelada, posto que as urnas, mesas e cabinas para as eleccións do domingo día 21 de decembro xa quedan montadas o venres ao mediodía e despois non se pode entrar no centro. 

O adianto de data non é posible posto que as familias organizadoras non poden outro día.

Agradecemos a vosa colaboración e xenerosidade na achega de libros. Esperamos poder celebrar a festa pasado o Nadal ou ben en Entroido.

Programa (en)volve

Desde o concello envíannos esta gran iniciativa para que a difundamos:

A Oficina Municipal de Voluntariado (Oficina VOU) comeza co programa (en)volve, coa fin de facer que todos os nenos e nenas teñan este Nadal o agasallo que piden na súa carta aos Reis Magos.

Podedes descargar AQUÍ a ficha para facerse cómplice personalmente e tamén vos deixamos a URL do formulario online.

https://docs.google.com/forms/d/1NqHxNEpo-0n8mSAGfnkCNMCmy9eXtqZtoJkP8AW_Dh0/viewform?c=0&w=1

Existe un facebook do programa, chamado EnVolve Casazul no que se irán poñendo todas as novidades.

Este ano non se recollerán xoguetes usados.

Titiricircus con Tanxerina Teatro

A FANPA organiza unha representación para todas as familias no Teatro Principal de Pontevedra o día 23 de decembro do 2015.

Apertura de portas ás 17.30 h e representación ás 18.00 h

Entrada de balde ata completar aforo

Actividade de baloncesto

Informámosvos que a actividade de baloncesto organizada polo Club baloncesto Estudiantes (para nenos e nenas de 6 a 12 anos) finalmente vai comezar en xaneiro e será os martes de 17:30h a 18:30h, cun prezo de 10 € ao mes. 

Ademáis unha vez ao mes haberá unha xornada de xogos e competición con outros colexios. Se estás interesado en participar e aínda non te inscribiches podes facelo cubrindo a FICHA ADXUNTA e entregándoa na caixa de correos da ANPA (fronte á porta de infantil) ou envíandoa por e-mail a anpa.froebel@gmail.com , antes do día 18 de decembro.

Xornada de portas abertas. Bombeiros de Pontevedra

Adxuntamos cartel da xornada de portas abertas no Parque de Bombeiros de Pontevedra o 27 de decembro. É unha xornada moi interesante para os nenos/as, na que lles explican en que consiste o traballo dos bombeiros.

Ludoteca de Nadal no CEIP Froebel

Un Nadal con tradición

Esta ludoteca terá lugar do 21 de decembro ao 5 de xaneiro, de 9:00h a 14:00h, co seguinte programa:

- Elaboración de xogos e xoguetes 
- Obradoiro de agasallos artesanais
- Actividades deportivas
- Os xogos das nosas avoas
- Decoración do ramo e outras tradicións do Nadal galego
- Realización dunha curtametraxe (Conto de Nadal)
- O Pandingueiro invisible (Cheirabarrigas)
- Cantos de Reis
- Bailes de Reis. Danzas das fitas e os arcos
- Saídas

As prazas son limitadas.

As inscricións realizaranse depositando a FICHA DE INSCRICIÓN na caixa de correo da ANPA ou ben enviándoa por e-mail a anpa.froebel@gmail.com. Tamén se pode entregar en persoa os xoves, no local da ANPA, entre as 9.00h e as 9.30h.

Prezo: 50€ socios/as da ANPA.
           70€ non socios/as

Documentación: fotocopia do DNI do/a neno/a ou do libro de familia e fotocopia da tarxeta sanitaria.

Ademáis, a empresa organizadora infórmanos que, para quen o solicite, ofrece o servizo de entrada media hora antes (é dicir as 8:30h) e de saída media hora despois (ás 14:30h). A quen lle interese que o anote na ficha de inscrición ou ben que nos envíe un correo electrónico. Este servizo ten un custo de 5 euros se se adianta a hora de entrada, e de 5 euros se se atrasa a hora de saída (10 euros as dúas opcións) a maiores do prezo da ludoteca.

Cursos de formación para pais e nais

Nesta ocasión, a FANPA infórmanos duns cursos para os pais e nais. Trátase dunha serie de cursos gratuitos e a distancia, a través da plataforma de CEAPA. Abaixo, nas fotos, podedes ver a lista de cursos dispoñibles e as instruccións para acceder a eles. Pódense facer cantos se queiran e teñen certificado de aproveitamento.
Animádevos e aproveitade estes recursos.

 

Outono en familia

Difundimos unhas actividades organizadas por Fanpa durante o mes de decembro, dentro do programa "Outono en Familia". 

Comedor e Madruga

Xa está actualizada a páxina dos servizos de comedor e Madruga cos menús e programas de actividades para o mes de decembro, así coma os horarios de recollida.

Lembrámosvos tamén que existe unha titora do comedor que pertence a Serunión, empresa que presta o servizo de comedor, e podedes falar persoalmente con ela nos días e horas establecidos para tal efecto. Para o mes de decembro, o horario de titoría é o día 4 de 15.00 a 16.00h.

Ademáis, se tendes algunha queixa ou reclamación sobre o servizo de comedor, podédesvos poñer en contacto en calquera momento con Cristina Vázquez-Lescaille Carpintero, vicepresidenta da ANPA e delegada de comedor.

Convocatoria de asemblea extraordinaria

Convocamos a todos os socios e socias da ANPA Pardo Bazán do CEIP Froebel a unha asemblea extraordinaria, que se celebrará o martes día 1 de decembro de 2015, ás 18:45h en primeira convocatoria e ás 19:00h en segunda convocatoria, coa seguinte orde do día:

1. Lectura e aprobación da acta anterior.
2. Informe da Xunta Directiva sobre a reunión mantida coa concelleira de Educación Carmen Fouces e outras actividades postas en marcha.
3. Aprobación se procede da proposta da Xunta Directiva de subvencionar os/as alumnos/as que fagan o intercambio cultural coa escola Carvour de Catania (Italia) cunha cantidade fixa e un tope de gasto.
4. Aprobación de medidas a tomar ante a non aparición das obras do colexio, prometidas polo Xefe Territorial de Educación, nos orzamentos da Xunta do 2016.
5. Rogos e preguntas.

Haberá servizo de gardería de 19:00h a 20:30h para todos os que o precisedes.

Se aínda non te fixeches socio/a e estás interesado en asociarte, aínda podes. Descarga AQUÍ a ficha e entrégaa na caixa de correo da ANPA, xunto co xustificante de pago da cota.

Charla/coloquio "Adopción e escola"

Compartimos información dunha charla/coloquio sobre "Adopción e escola" por se é de interese para alguén.

O SÁBADO 28 DE NOVEMBRO ás 12:00 horas MANAIA organiza a charla/coloquio "ADOPCIÓN E ESCOLA", a cargo de MIREIA SALA TORRENT, na Sala Valdecorvos, no 2º andar da CASAZUL de Pontevedra, (rúa de Sor Lucía, 2 - 36002 Pontevedra).
                                   (Entrada de balde)
---------------------------------------------------------------------------------

Moitos nenos que padeceron privacións iniciais a nivel nutricional, sensorial, relacional e afectivo vense sometidos a unha presión académica con estrés e frustración continua que non lles permite poder recuperar e reconstruír os baleiros existentes no seu proceso madurativo e á vez vivir a aprendizaxe desde a motivación e o pracer. 
As carencias iniciais comportan consecuencias psicolóxicas e de aprendizaxe que interactúan entre si, e ás que os profesionais debemos dar resposta desde unha visión integral e unha contorna pluridisciplinar. Por este motivo, esta charla ten como obxectivo dar a coñecer e sensibilizar á contorna familiar e escolar de como estes estados de carencia poden afectar ao desenvolvemento das competencias cognitivas, lingüísticas, conductuales, afectivas e de interacción social. 
Temas a tratar:
· Desventaxas dos nenos adoptados no sistema escolar
· As dificultades de linguaxe e aprendizaxe máis frecuentes en nenas e nenos e en mozas e mozos adoptados
· Reaccións emocionais derivadas do propio proceso de aprendizaxe
· Dificultades no diagnóstico de TDAH e dislexia
· Pautas educativas para familias e mestres

MIREIA SALA TORRENT.-
Psicopedagoga e logopeda
Directora de Trivium (Centro de linguaxe e aprendizaxe)
Profesora da FPCEE Blanquerna. Universitat Ramon Llull
Decana do Colexio de Logopedas de Catalunya

Voluntarios para o Camiño Escolar

O Concello de Pontevedra, despois de poñer en marcha o Camiño Escolar Seguro, solicita voluntarios e voluntarias para axudar a cruzar aos nenos e nenas nos pasos de peóns durante as horas de entrada e saída do colexio. A idea inicial de facer a cidade máis segura para os nenos e nenas contemplaba a idea do voluntariado nas rúas, con habitantes da contorna escolar, e é un tema que desexan retomar para que realmente exista unha verdadeira conexión entre os habitantes do barrio.

Por iso búscanse persoas voluntarias para estar, entre as 8:40h e as 9:10h da mañá e entre as 13:50 e as 14:20h da tarde, nos pasos de peóns, axudando aos nenos e nenas no que poidan necesitar.

Se estás interesado ou coñeces a alguén que o estea (vale calquera adulto de calquera idade), por favor ponte en contacto coa ANPA. Podes cubrir cos teus datos a seguinte FICHA e entregala na caixa de correos da ANPA antes do día 30 de novembro para que o Concello poida poñerse en contacto contigo. 

Día Mundial da Diabete

A Asociación de Nenos e Nenas con Diabete de Galicia (ANEDIA) organiza un acto en colaboración co Concello de Pontevedra mañá venres 13 de novembro de 2015 con motivo do Día Mundial da Diabete.

Ás 20.00 horas procederase á iluminación da Casa do Concello, na Praza de España, de cor azul, en cumprimento dunha campaña que se realiza este mesmo día en todos os países do mundo para visibilizar esta enfermidade.

No caso de Pontevedra, ás 20.00 horas procederemos á lectura dun manifesto elaborado polos nenos e nenas con diabete da nosa asociación con motivo deste Día Mundial e despois iluminarase a Casa do Concello. Todo o acto estará amenizado pola música do grupo Maravallada.

Fotos do obradoiro de Halloween

Podedes ver fotos do obradoiro de Halloween AQUÍ

Días non lectivos

Comunicámosvos que os dous días non lectivos elixidos polos centros públicos de Pontevedra son o 7 de decembro de 2015 e o 16 de maio de 2016, polo que eses días non haberá colexio, aínda que son días laborais.

Aproveitamos tamén para lembrarvos os periodos de vacacións deste curso escolar:

Vacacións de Nadal: do 21 de decembro ao 6 de xaneiro, ambos os dous inclusive.

Entroido: 8, 9 e 10 de febreiro.

Vacacións de Semana Santa: do 21 ao 28 de marzo, ambos os dous inclusive.

Clases de italiano

A partir de novembro impartiranse no centro clases de aprendizaxe de italiano para os nenos/as de sexto. Animámosvos a todos os que esteades interesados en familiarizarvos con esta lingua, a que vos apuntedes. As clases serán todos os luns de 17:30h a 18:30h e darán comezo o día 9 de novembro. A actividade ten un custo de 15€ ao mes para os socios da ANPA e de 22,50€ para os non socios, sendo necesario domiciliar o pagamento (o recibo pasarase a primeira semana de cada mes).

Achegamos ficha de inscrición que debedes entregar cuberta, antes do día 30 de outubro, ben depositándoa na caixa de correo da ANPA (ao lado da porta de infantil) ou ben por correo electrónico a anpa.froebel@gmail.com

Clica aquí para descargar a ficha de inscrición

Obradoiro de Halloween en inglés

O próximo día 30 de outubro (día laborable pero non lectivo) a ANPA organiza un obradoiro en inglés de Halloween para nenos e nenas de Educación Primaria. O obradoiro realizarase de 12:00h a 14:00h no colexio e estará dividido en dúas partes, unha de manualidades, onde realizarán decoracións de Halloween, e outra parte de música e xogos coa mesma temática. O custo da actividade é de 2€ por neno/a (irmáns a 1€) e os non socios 4€. O número de prazas é limitado e a reserva de praza é por orde de inscrición. Os socios teñen preferencia sobre os non socios.

Achegamos ficha de inscrición que debedes entregar cuberta o luns ou o martes de 9:00h a 9:30h no local da ANPA (pola porta do comedor) ou ben por correo electrónico a partir das 9:00h do luns, quedando rexistro de data e hora, a anpa.froebel@gmail.com

Clica aquí para descargar a ficha de inscrición 

Contacta connosco

Se precisades contactar connosco, tendes varias opcións:

- Todos os xoves algún de nós estará no local da ANPA entre as 8.55 e as 9.30 aproximadamente para atendervos persoalmente. A entrada ao local está na rúa Alfonso XIII, pola porta do comedor.

- por correo electrónico, ao enderezo anpa.froebel@gmail.com

- a través do formulario de contacto que podedes atopar neste blog, na parte dereita da pantalla:
 

Camiño escolar

O Concello de Pontevedra organiza unha reunión informativa sobre o Camiño escolar, na que se poderán presentar propostas de mellora e suxestións sobre o funcionamento. Esta reunión terá lugar o mércores 21 de outubro ás 16:30 horas no  CEP Campolongo.

Tamén podedes atopar información sobre o Camiño escolar nesta web: http://www.pontevedra.eu/movete/camino-escolar/presentacion

REMIND paso a paso

Como xa informamos, o centro está poñendo en marcha un novo sistema de comunicación coas familias a través da aplicación gratuita REMIND. Con esta fin, durante as reunións cos titores de cada curso están a repartir unha folla explicativa e a pedir o nome e curso dos nosos fillos/as e un enderezo electrónico para poderen darnos de alta no sistema.

Se xa tivestes a reunión co titor/a e proprocionastes estes datos, nestes días estaredes recibindo un correo coma o da foto:

¿Qué facer a continuación?

1. Clicade no botón azul para aceptar a invitación e unirvos ao grupo da clase do voso fillo/a.

2.  Seredes reenviados a unha pantalla coma esta:

Completade os datos que se vos piden.




 


3. E xa formades parte do grupo correspondente. 

Se aínda non descargastes a aplicación, agora é o momento de facelo. Se xa tendes a aplicación e tamén creastes unha conta, podedes ir ata o paso 6.





4. Unha vez que teñades a aplicación, teredes que crear unha conta. Asegurádevos de que poñedes o mesmo enderezo electrónico que lle proporcionastes ao centro. O contrasinal que vos piden neste paso é para a vosa conta, así que o tendes que elixir vós.

5. E listo!
Deberiades estar vendo algo coma esto:

TITORÍAS DE COMEDOR

Se os vosos fillos/as son usuarios do servizo de comedor, sabede que existe unha titora do comedor. A titora pertence a Serunión, empresa que presta o servizo de comedor, e poderedes falar persoalmente con ela nos días e horas que se indican a contuación:

Ademáis, se tendes algunha queixa ou reclamación sobre o servizo de comedor, podédesvos poñer en contacto en calquera momento con Cristina Vázquez-Lescaille Carpintero, vicepresidenta da ANPA e delegada de comedor.

Novas formas de comunicación co centro

Este curso o colexio quere levar a cabo, de xeito experimental, unha nova forma de comunicarse coas familias. Farano a través dos dispositivos móbiles, mediante unha aplicación gratuita chamada REMIND. Esta aplicación está dispoñible tanto para Android como para iOS. Teredes que descargala e facilitarlle ao centro un enderezo electrónico voso para que vos poidan dar de alta na aplicación. Despois chegaravos a este enderezo unha invitación para unirse á clase na que está o voso fillo/a e así poder recibir as notificacións no voso dispositivo móbil.

Esta forma de comunicación pretende axilizar e facilitar ás familias a recepción de noticias e comunicacións do colexio, pero non eliminará as formas de comunicación que xa existen no centro.




Ademáis, o centro ten tamén unha conta de Twitter a través da cal poderemos seguir a actividade diaria dos nenos/as: https://twitter.com/ceip_froebel

Cántamo en Galego!

Faladoiro con Uxía e Narf

Xoves 15 de outubro, ás 19.30 horas, no Local de Música de Pontevedra

A Concellaría de Normalización Lingüística do Concello de Pontevedra organiza, coa colaboración de Onda Cero, unha nova edición dos encontros do Cántamo en Galego!. Nesta ocasión Susana Pedreira e Carlos Pereiro entrevistarán a dous grandes da música galega, Uxía e Narf, que veñen de presentar o seu primeiro disco conxunto: ‘Baladas da Galiza imaxinaria’.

O proxecto naceu do talento e da sensibilidade destes artistas que comezaron a colaborar ao cantar xuntos por primeira vez nunha xira por Chile, Arxentina e Uruguai. Foi entón cando descubriron que os seus xeitos de facer música, tan diferentes, harmonizaban na sinxeleza, no gusto pola experimentación e no espírito inquedo e viaxeiro.

Foi así como recrearon, man á man, algunhas das cancións fundamentais dos seus respectivos repertorios e outras novas que agora ven a luz nas ‘Baladas da Galiza imaxinaria’.

Aquí tedes unha mostra:

https://www.youtube.com/watch?v=kSlYx_dkVGA

CALENDARIO DE FESTAS

30 de outubro: día do Ensino.

Vacacións de Nadal: do 21 de decembro ao 6 de xaneiro, ambos os dous inclusive.

Entroido: 8, 9 e 10 de febreiro.

Vacacións de Semana Santa: do 21 ao 28 de marzo, ambos os dous inclusive.

BEXSERO anti meningococo B

Deixámosvos información sobre a vacina BEXSERO anti meningococo B, por se a alguén lle interesa:

O laboratorio Novartis vai empezar a suministrala a partir do día 1 de outubro. Estímase que chegará ás farmacias un par de días máis tarde. Servirase baixo reserva de pedido, polo que se recomenda que o que a precise a vaia encargando para evitar colapsos e desabastecementos posteriores. PRECÍSASE PRESCRICIÓN POR PARTE DO PEDIATRA.

Nas seguintes ligazóns hai información sobre a vacina por AEMPS (Agencia Española de Medicamentos y Productos Sanitarios) cando non a aprobaron no 2013 e a posterior recomendación da mesma por parte da AEP (Asociación Española de Pediatría), así coma algún artigo relacionado.

  

http://www.aemps.gob.es/medicamentosUsoHumano/vacunas/infoUtilTerapeutica/docs/infUtilTerap_Bexsero.pdf

http://vacunasaep.org/documentos/vacunacion-meningococo-b-recomendaciones-cav-aep

http://www.lavozdegalicia.es/noticia/sociedad/2015/05/29/alonso-rectifica-pondra-vacuna-meningitis-b-farmacias/0003_201505G29P25991.htm

http://www.lavozdegalicia.es/noticia/sociedad/2015/05/16/vacuna-meningitis-b-evitaria-631-casos-espana-cinco-anos/0003_201505G16P26991.htm

http://www.lavozdegalicia.es/noticia/sociedad/2015/09/19/vacuna-meningitis-b-estara-farmacias-semanas/00031442660580559819151.htm

  

  

BALONMÁN

Informámosvos que a S.D. Teucro púxose en contacto connosco para impartir a actividade gratuita de balonmán, para nenos e nenas de 2º a 6º de primaria. Será, como outros anos, os mércores de 17:30h a 18:30h. Teñen previsto facer unha demostración o venres na escola, e cada neno e nena levará un papel coas instruccións para inscribirse e demáis. A actividade empezará o 7 de outubro.

Podedes ver aquí a nota que os nenos/as levaron para a casa o venres día 2:

Benvida

Benvidos ao blog da ANPA Pardo Bazán, do CEIP Froebel. Nel poderedes atopar información sobre o cole, o comedor, o plan Madruga e as actividades extraescolares entre outros. Tamén vos podedes poñer en contacto connosco. Animámosvos a que participedes facéndonos chegar os vosos comentarios, ideas, preocupacións, etc.