Xa chegou o fin de curso e nada mellor para celebralo que unha festa, na que puidemos ver as actuacións de algunhas das actividades extraescolares como prebalet, badminton, patinaxe e unha exposición de jumpingclay.

Tamén tivemos un sorteo grazas a colaboración de Fotoprix, Papelería Ares, Librería Clip e Carlin.

E ademáis todos os que quixeron pudieron facerse una foto no noso photocall.

Dexesámosvos un bo verán e ata o próximo curso.

Asociación Boa Vida Inclusión Activa

 Queremos agradecer a vosa colaboración na campaña de recollida de enseres para 
a Asociación Boa Vida Inclusión Activa, que como podedes ver nas fotos, foi todo un éxito.

 

CONVOCATORIA ASEMBLEA EXTRAORDINARIA ANPA

Convocamos a todos os socios e socias da ANPA Pardo Bazán do CEIP Froebel a unha Asemblea Extraordinaria, que se celebrará o mércores día 18 de abril, ás 18.30 en primeira convocatoria e ás 19.00 en segunda convocatoria, coa seguinte orde do día:

1.     Comunicación de baixas de dúas vogais na Xunta Directiva.

2.     Elección de dous novos/dúas novas vogais.

Haberá servizo de gardería de 19:00h a 20:00h para quen o precise.

Animamos aos socios ou socias que estén interesados en participar activamente no funcionamento do colexio a que se presenten como candidatos/as para formar parte da Xunta Directiva.

Cambios na xunta directiva

Comunicámosvos que se produciron dúas baixas na xunta directiva da ANPA, polo que ata a celebración da próxima asemblea de socios, a xunta directiva queda formada polas seguintes persoas:

Presidenta         Noela Quintana Martínez (607 72 92 40)

Vicepresidenta  Xandra Revenga López

Secretaria         Carolina Arán Bernal

Tesoureiro        Javier González Paz

Vogal                 Daniel Boullosa Cortegoso

                       

Entrega de premios

Como xa saberedes,  o xoves día 21 de decembro recibimos a visita dos Reis Magos. Os/as nenos/as entregáronlles unha carta "solidaria" na que pedían desexos para os demais. 

Un grupo de profes seleccionou a mellor carta de cada clase e hoxe tivo lugar a entrega de premios.

Os premios consistiron en 2 libros para cada neno/a gañador/a. Estes libros foron doados pola Servizo de Normalización Lingüística do Concello de Pontevedra.

A lista de premiados é a seguinte:

• INFANTIL 3 anos: Sabela Teijido Morel

• INFANTIL 4 anos: Alicia Castillo Corres

• INFANTIL 5 anos: Sabela Selaya Arán

Sabela Selaya Arán

Alicia Castillo Cores

Sabela Teijido Morel

• 1ºA: Rubén Graña Araújo

• 1ºB: Lola Saavedra Fell

• 2º: Antón García Fernández

• 3ºA: Micaela da Lima Núñez

• 3ºB: Eduardo de Medrano Barreiro

• 4º: Sofía Villanustre Orozco

• 5ºA: Lía Illán Rodríguez

• 5ºB: Lucas Vázquez Romero

• 6º: Irene Rodríguez Vence

Este é o segundo ano que se celebra este concurso, nunha colaboración entre o cole e o grupo de nais e pais lectores que participan nas lecturas no colexio.

As lecturas no colexio consisten en que nais e pais, vaiamos ler ás clases dos nosos fillos e fillas. Facémolo unha vez ao mes, durante o tempo de lectura que eles teñen cada día (de 12:10h a 12:35h). Os textos, o estilo literario e o idioma escollémolo nós, así como o curso ao que queremos ir ler, incluso podemos ir ler cun neno ou nena de primaria ás clases de infantil.

2º cuadrimestre de piscina

A partir de hoxe e ata o 31 de xaneiro, pódense solicitar as prazas para o 2º Cuadrimestre da Actividade Extraescolar “PISCINA”, nas instalacións de Campolongo. Estas prazas serán outorgadas por rigorosa orde de inscrición, e non se gardan as prazas do 1º cuadrimestre, polo que vos recomendamos que nos enviedes canto antes os datos necesarios para facela:

-           NOME E APELIDOS DO/A NENO/A

-           TELÉFONO DE CONTACTO

-           IDADE E CURSO

-           HORARIO (DÍA E HORA) SOLICITADA

As clases do segundo cuadrimestre comezarán o xoves 1 de febreiro e rematarán o venres 31 de maio de 2018. Segue o calendario escolar, é dicir: hai actividade extraescolar de piscina cando é día lectivo. 

HORARIOS

• As actividades terán unha frecuencia de 1 clase/semana e unha duración de 45 min por clase.

• As opcións de horario da actividade serán de 16:30 a 17:15 ou de 17:15 a 18:00 de luns a venres, pero sempre dependendo dos niveis ofertados en cada franxa horaria.

PREZO

O prezo da actividade por neno deste segundo cuadrimestre será de 33,60 €.

FORMA DE PAGO

Como novidade, este cuadrimestre o pago realizarase mediante ingreso ou transferencia bancaria, que deberán facer as familias nos 5 días seguintes á realización da reserva no seguinte número de conta: 2085 8377 15 0330110740 (Titular da conta: ANPA PARDO BAZÁN), indicando no concepto nome do/a neno/a. 

IDADE MÍNIMA DOS RAPACES

• Os nenos que desexen asistir ó curso de “Natación Extraescolar” han de estar matriculados no vixente ano, como mínimo, en 2º curso do 2º ciclo de Educación Infantil (4 anos).

DURANTE A ACTIVIDADE

• Non se pode permanecer nos vestiarios esperando mentres os nenos están na clase.

• Lembrámosvos que para poder participar nas clases, todos os rapaces han de levar de xeito OBRIGATORIO un gorro, bañador e chanclas.

• É moi recomendable que acudan con gafas de natación axeitadas para a súa idade.

• Na instalación non se dispón de material para préstamo, pero si dunha tenda para mercar material de piscina e sala.

 NORMATIVA DO CENTRO CAMPOLONGO RESPECTO AOS VESTIARIOS

Hai dous vestiarios destinados ó uso dos colexios.

Vestiario nº 1: infantil masculino - cartel amarelo.

• Este vestiario poden usalo os nenos de todas as idades e nenas menores de 6 anos.

• Poden entrar tanto os pais coma as nais no vestiario, pero só pode ser un adulto por neno, e só no caso de que precise axuda para cambiarse.

Sen embargo, as nais non poden acceder nin asomarse á porta das duchas, xa que son duchas masculinas.

• Os pais que queiran axudar a bañar aos nenos, deben facelo con chanclas, e nunca acceder á zona de duchas con calzado da rúa. 

• Se queren deixar as mochilas no vestiario, deberán colocarse ou ben colgadas nas perchas ou dentro do armario común de dúas portas que está ao fondo á esquerda do vestiario, a carón dos espellos.

Este armario péchase con cadeado aos 10 minutos aproximadamente de que comece a clase e vólvese abrir a falta de 5 minutos para que remate a clase.

• Non se pode facer uso das taquillas deste vestiario. 

Vestiario nº 4: infantil feminino - cartel negro.

• Este vestiario poden usalo as nenas de todas as idades e nenos menores de 6 anos.

• Poden entrar tanto os pais coma as nais no vestiario, pero só pode ser un adulto por neno, e só no caso de que precise axuda para cambiarse.

Sen embargo, os pais non poden acceder nin asomarse á porta das duchas, xa que son duchas femininas.

• As nais que queiran axudar a bañar aos nenos, deben facelo con chanclas, e nunca acceder á zona de duchas con calzado da rúa. 

• Se queren deixar as mochilas no vestiario, deberán colocarse ou ben colgadas nas perchas ou dentro do armario común de dúas portas que está entrando á dereita, a carón da porta.

Este armario péchase con cadeado aos 10 minutos aproximadamente de que comece a clase e vólvese abrir a falta de 5 minutos para que remate a clase.

• Non se pode facer uso das taquillas deste vestiario.

Actividades de Nadal

En primeiro lugar, queremos agradecer a vosa xenerosidade na campaña de recollida de alimentos non perecedeiros para Cáritas. Como é habitual e podedes ver na foto, conseguiuse unha boa cantidade de axuda. 

Aproveitamos tamén para informarvos de diversas actividades para os nenos/as, que estamos preparando, en colaboración co centro, para os días 20 e 21 de decembro:

- O mércores día 20 faremos unha pequena representación teatral, coa axuda dun grupo de nais lectoras. Ese mesmo día, e como en anos anteriores, o cole recibirá tamén a visita do Apalpador.

- O xoves día 21 recibiremos a visita dos Reis Magos. Os nenos/as entregaranlles unha carta "solidaria" na que pedirán desexos para os demais. A mellor carta de cada curso terá un premio, que se entregará despois do Nadal.