Concurso de debuxos, contos e curtametraxes

CEAPA convoca a primeira edición dun concurso dirixido a nenos/as e adolescentes sobre os dereitos da infancia. O concurso consta de tres categorías:



1. Concurso de debuxos dirixido a nenos/as e adolescentes (de 6 a 16 anos).

2. Concurso de contos dirixido a nenos/as e adolescentes (de 6 a 16 anos).

3. Concurso de curtas dirixido a adolescentes (de 12 a 16 anos).


A data límite para a entrega de traballos é o 30 de abril de 2016. Poderá participar no concurso calquera neno/a ou adolescente dun centro público cuxa ANPA estea asociada a unha das federacións e confederacións de CEAPA.

Podedes atopar toda a información na seguinte ligazón:
https://www.ceapa.es/content/i-concurso-de-ceapa-dirigido-ni%C3%B1osas-y-adolescentes-sobre-los-derechos-de-la-infancia-de

Finalistas do Certame de Relato Curto

O xurado do IV Certame de Relato Curto organizado pola FANPA anunciou onte a relación de finalistas. Son un total de 120 relatos que foron seleccionados entre os 720 que se presentaron. Os gañadores de cada categoría daranse a coñecer durante o acto de entrega de premios, que terá lugar o próximo día 31 de maio.

Podedes consultar toda a información no seguinte enlace: http://certame.nontedurmas.org/2016/04/11/finalistas-da-iv-edicion/

Parabéns aos seleccionados e boa sorte!!

Campamentos de verán da Xunta

No seguinte enlace tendes a convocatoria dos campamentos xuvenís da Xunta para o verán 2016, por se é do voso interese.

http://www.xunta.es/dog/Publicados/2016/20160408/AnuncioG0425-010416-0002_gl.html

Novos establecementos colaboradores

Seguimos aumentando a listaxe de establecementos que ofrecen descontos aos socios da nosa ANPA.  Podedes ver e descargar a listaxe completa actualizada no apartado "Faite socio / establecementos colaboradores" deste  blogue.

Tamén vos queremos lembrar que para que esta iniciativa teña éxito, contamos coa vosa colaboración, tanto se realizades algunha actividade comercial, e vos interesa ofrecer descontos ao colectivo de familias socias da ANPA, como se coñecedes establecementos interesados en adherirse. 

A familia Sachoconto

Compartimos esta bonita iniciativa na que colabora o Servizo de Normalización Lingüística do Concello de Pontevedra, para que todos os nenos e nenas escoiten un conto antes de ir durmir.

A familia Sachoconto: unha horta chea de contos!

 
Uns cultivan tomates, outros ricas cenorias e a familia Sachoconto cultiva contos que agroman cheos de aventuras e diversión! Podedes escoitar unha historia diferente cada semana na sección Familia Sachoconto, no web de Pontevedra Viva Radio http://pontevedraviva.com/radio/programa/11/familia-sachoconto-pontevedraviva-radio/. Enviarémosvos semanalmente as ligazóns aos contos deste espazo no que colabora a Concellaría de Normalización Lingüística do Concello de Pontevedra e aquí vos deixamos os tres primeiros contos:

- O dragón das palabras http://pontevedraviva.com/radio/emision/48/familia-sachoconto-pontevedraviva-radio/

- A tía Rita http://pontevedraviva.com/radio/emision/59/familia-sachoconto-pontevedraviva-radio/

- O monstro do canapé http://pontevedraviva.com/radio/emision/72/familia-sachoconto-pontevedraviva-radio/

Escoitade, imaxinade e...felices soños!

Solicitudes para o comedor e madruga 2016-17

Xa se pode efectuar a solicitude de alta para o curso 2016-17 dos servizos complementarios de comedor e madruga. Para iso, coma en anos anteriores, deberá remitir a ficha cuberta integramente a SERUNION por fax ao núm. 986 454 013 ou ao enderezo de correo galicia@serunion.elior.com.
Lea atentamente as condicións de servizo no PDF anexo xa que hai pequenas novidades que se deben coñecer antes de expresar a conformidade cos regulamentos de comedor.

Descarga o PDF coa ficha de inscrición e condicións AQUÍ.

Modalidades de contratación dos servizos:

a. Fixo: Se necesita o servizo uns días fixos da semana. O recibo pasarase entre o 15 e 20 do mes de servizo e as mensualidades serán sempre do mesmo importe, según a táboa de prezos especificada de seguido, e calculadas a partir do nº de días lectivos do curso, dividido entre os 10 meses de servizo.
b. Calendario de días ou Turno laboral: Se necesita o servizo uns días sen periodicidade semanal (días de calendario) e o sabe con antelación. Deberá informarnos antes do día 25 de cada mes dos días nos que necesitará o servizo durante o mes seguinte. Cobraranse entre o 15 e 20 do mes de servizo polos días contratados.
c. Esporádico: Se necesitan o servizo días soltos sen posibilidade de planificar. Debe avisarnos o día anterior como moi tarde. Cobraranse os días que correspondan ao mes seguinte do servizo ao prezo esporádico.

Carné de socio

Estamos a preparar un carné de socios de ANPA que sirva para identificarnos como socios e que ademais teña algunhas vantaxes, como conseguir descontos nalgúns establecementos. É por iso que vos pedimos colaboración, tanto se realizades algunha actividade comercial, e vos interesa ofrecer descontos ao colectivo de familias socias da ANPA, como se coñecedes establecementos interesados en adherirse. A nosa idea é facer unha listaxe dos locais que ofrecen descontos e telo constantemente actualizado no neste blogue.

O carné entregaráselles aos nenos e nenas nun sobre pechado este venres día 18 (a repartición farana os profesores). En caso de ter irmáns o sobre daráselle só a un deles.

Tamén irá no sobre unha ficha de datos que necesitamos que nos entreguedes cuberta e asinada para poder elaborar un ficheiro de socios actualizado, tal e como nos esixe a Lei de Protección de Datos. Na mesma ficha tamén pedimos autorización para a toma de imaxes nas actividades que organice a ANPA e a súa publicación no noso blogue.

Agradecémosvos que cubrades a ficha e a depositedes na caixa de correos da ANPA, situado na entrada de infantil, e tamén que nos enviedes ao noso correo electrónico os datos dos establecementos interesados en colaborar, para poder incorporalos á listaxe: anpa.froebel@gmail.com